Karni AQSh bojlar sabab Kanada avtomobil sanoati Xitoy bilan yaqinlashishi mumkinligini aytdi
Kanada bosh vaziri Mark Karni AQSh tariflari Shimoliy Amerika bozorini yanada zaiflashtirsa, mamlakat avtomobil ishlab chiqaruvchilari Xitoyga murojaat qilishi mumkinligini bildirdi.

Karni dushanba kuni Kambodjada soʻzlar ekan, AQSh prezidenti Donald Trampning savdo choralarini sabab Shimoliy Amerika avtomobil bozori yanada kam integratsiyalashgan holga kelsa, kanadalik avtomobil ishlab chiqaruvchilar Xitoydan hamkorlar izlashlari mumkinligini aytdi.
Bu bayonot Karni bilan Xitoy raisi Si Szinpinning shu hafta Xitoy janubida boʻlib oʻtayotgan APEC sammiti doirasidagi uchrashuvi arafasida yangradi. Bosh vazirning soʻzlariga koʻra, Ottava avtomobil sanoatini rivojlantirishning Yevropa va Yaponiya variantlarini ham koʻrib chiqmoqda.
Oʻtgan yili Tramp Kanada avtomobil sektoriga yuqori boj tariflarini joriy etgan va AQShda sotiladigan avtomobillar amerikalik ishchilar tomonidan ishlab chiqarilishi kerakligini aytgan edi. Avgust oyida Karni Tramp bilan savdo muzokaralaridan chiqdi, biroq soʻnggi haftalarda Ottava va Vashington kelishuv istiqbollari yaxshilanayotgani haqida gapirdi. Karni Xitoyga murojaat qilish bosim oʻtkazish vositasi emas, balki vaziyatga javob boʻlishini taʼkidladi.




