47-hafta · 2026Juma, 20-noyabr 2026-yil
Iqtisodiyot

Shavkat Mirziyoyev Ummonning yetakchi kompaniyalari vakillarini qabul qildi

Ummon tashrifi chogʻida Oʻzbekiston-Ummon investitsiya kompaniyasi kapitalini oshirish va qoʻshma loyihalar muhokama qilindi; tomonlar ishchi guruh tuzib, natijalarni har chorakda muhokama qilishga kelishdi.

17-noyabr, 11:42По-русски

Read in English

Oʻzbekiston Prezidenti Shavkat Mirziyoyev Ummon yirik biznes vakillari bilan, mamlakat Investitsiya agentligi prezidenti Abdusalam al-Murshidiy boshchiligida, uchrashdi.

Muhokamada Ummon Savdo-sanoat palatasi raisi Shayx Faysal al-Ravas, SABCO Group direktorlar kengashi raisi Said Xolid bin Hamad al-Busaidiy, Voltamp Energy direktorlar kengashi raisi Said Ayman al-Busaidiy, Asyad Group bosh ijrochi direktori Abdurahmon bin Salim al-Xatmi, Zubair Corporation direktorlar kengashi raisi Rashad Muhammad az-Zubayr va UzOman rahbari Oʻmar Bahram ishtirok etdi.

Tomonlar Oʻzbekiston-Ummon investitsiya kompaniyasining ustav kapitalini oshirish, shuningdek, togʻ-kon, elektrotexnika va kimyo sanoati, “yashil” energetika, shaharsozlik, transport va logistika, infratuzilma hamda qishloq xoʻjaligi sohalarida qoʻshma loyihalarni amalga oshirish masalalarini koʻrib chiqdilar. Tashkil etilayotgan Oʻzbekiston-Ummon ishbilarmonlar kengashining ikki mamlakat tadbirkorlari oʻrtasida toʻgʻridan-toʻgʻri muloqotni rivojlantirishdagi roli alohida qayd etildi.

Uchrashuv yakunida ilgari surilgan tashabbuslarni amalga oshirish uchun qoʻshma ishchi guruh tuzish va uning faoliyati natijalarini har chorakda muhokama qilib borish boʻyicha kelishuvga erishildi.