47-hafta · 2026Juma, 20-noyabr 2026-yil
Iqtisodiyot

Mirziyoyev turk farmatsevtika kompaniyalari uchun sanoat zonasi taklif qildi

Prezident Shavkat Mirziyoyev Oʻzbekistonda turk farmatsevtika kompaniyalari uchun alohida sanoat zonasi tashkil etishni taklif qilib, ularni qoʻshma loyihalarga taklif qildi.

20-noyabr, 14:08По-русски
t.me

Taklif Oʻzbekiston — Turkiya biznesni qoʻllab-quvvatlash boʻyicha Oliy darajadagi kengashining ilk yigʻilishida bildirildi. Tibbiy mahsulotlar ishlab chiqarishni mahalliylashtirish uchun Tashkent Pharma Parkʼda investorlarga tayyor ishlab chiqarish maydonlari, infratuzilma, imtiyozlar va preferensiyalar taqdim etiladi.

Hamkorlikning amaliy misoli sifatida 2002 yildan beri Oʻzbekistonda faoliyat yuritayotgan Nobel Pharmsanoat kompaniyasi qayd etildi. Turkiyaning boshqa yetakchi farmatsevtika kompaniyalari ham faol hamkorlikka taklif qilindi.

Mirziyoyev turk biznesi uchun xususiylashtirish va davlat-xususiy sheriklik sohalaridagi imkoniyatlarni ham alohida taʼkidladi. 2027 yil oxirigacha umumiy qiymati $8,4 mlrd boʻlgan yerlar, koʻchmas mulk va boshqa aktivlarni savdoga chiqarish rejalashtirilmoqda. Turkiya banklari, investitsiya fondlari va sanoat kompaniyalari davlat mulkini xarid qilishda faolroq ishtirok etishga chaqirildi.